Умед Сиддиқ
nahzat.tj
Ба иттилоъи шабакаи «ПрессТВ»-и Эрон, Маҷиди Номҷӯ, вазири барқи Эрон рӯзи якшанбе гуфтааст, ки Теҳрон бо Душанбе сари нақшае гуфтушунид доранд, ки мувофиқи он Эрон солона имкони содир намудани 500 кВт нерӯи барқи Тоҷикистонро ба кишвари Туркия ва дигар давлатҳои Аврупо дорад.
Барои ин лоиҳаро амалӣ намудан Номҷӯ мегӯяд, ки бояд шабакаи барқи Эрон тавассути Афғонистон бо шабакаи барқи Тоҷикистон васл карда шавад. «Бо ин мақсад хатҳои интиқоли барқ дар байни се кишвар сохта ва созиш байни се кишвар – Эрон, Афғонистон ва Тоҷикистон баста хоҳад шуд».
Бояд гуфт, ки ин тарҳи нави ҳамкориҳои Эрон бо Тоҷикистон буда, дар як ҷаласаи ҳамкориҳои Эрону Тоҷикистон дар Теҳрон ахирҳои моҳи майи соли ҷорӣ байни ду кишвар 5 қарордод имзо гардид, ки сохтани лӯлаҳои нафту газ аз Эрон ва об аз Тоҷикистон аз бандҳои асосии ин созишҳо буданд.
