Президент ба мардуми Тоҷикистон пешниҳод намуд, ки дар намози ид барои то абад пойдор мондани ваҳдати миллиямон дуо намоянд.
Раисҷумҳури Тоҷикистон дар суханронии табрикотии худ бахшида ба фарорасии иди саиди Қурбон ба мардуми Тоҷикистон зарур донист, ки ба қадри неъмати бебаҳои давалти озоду соҳибихтиёр бирасанд ва шукрона намоянд.
“Ҳамчунин ба ҳар кадоми мо зарур аст, ки ба қадри неъмати бебаҳои давлати озоду соҳибихтиёр, сулҳу суботи сиёсӣ ва сарзамини ободу зебои худ расем ва шукронаи онҳоро ба ҷо орем. Мо бояд шукрона кунем, ки имрӯз мусулмонони кишварамон тамоми рукнҳои дини мубини исломро озодона иҷро менамоянд, зеро қонунгузории давлати демократиамон озодии эътиқод ва виҷдонро ҳамчун ҷузъи таркибии ҳуқуқу озодиҳои инсон ва шаҳрванд кафолат медиҳад. ” – иброз намуд Э. Раҳмон.
