Дар раддабандии афроди бонуфӯзи ҷаҳони имсола Барак Обама, раисҷумҳури Амрико ҷойи аввалро касб намуд.
Дар ин бора хабаргузории “Форс” гузориш дода, овардааст: “Владимир Путин, раисҷумҳури Русия ҷойгоҳи сеюмро дар миёни 70 фарди бонуфузтарини ҷаҳон бар асоси ин раддабандии маҷаллаи амрикоӣ “Forbes”, ки рӯзи 5-декабр мунташир шуд, касб кардааст”.
Ин дар ҳолест, ки ҷаноби Путин дар раддабандии соли 2011 бо вуҷуди он ки симати нахуствазириро бар ӯҳда дошт, дар ҷойи дуюм қарор гирифта буд.
Бар асоси ин гузориш, Ангела Меркел, садри аъзами Олмон, ки дар соли ҷорӣ низ бонуфузтарин зани ҷаҳон шинохта шудааст ва дар ҷойи дуюм қарор дорад.
