Чин: маҳдудиятҳо дар моҳи Рамазон

Мақомоти Чин дар
бархе аз бахшҳои вилояти Синкиёнг (Туркистони шарқӣ) кормандони давлатӣ,
донишомӯзон ва муаллимонро аз рӯза гирифтан дар моҳи Рамазон манъ кардааст.

Ба гузориши хабаргузории “Рейтер” манъи рӯзадорӣ илова бар ин ки бар
нигарониҳои мусалмонони Чин меафзояд,
такрори дигари маҳдудиятҳои динист, ки ҳамасола дар остонаи моҳи Рамазон алайҳи
онҳо амалӣ мегардад.

Дилзот Рогзит
сухангӯи Кунгураи ҷаҳонии Уйғур, дар баёнияе эълон кард: Чин дар ҳоли афзоиши
мамнуиятҳои худ дар остонаи моҳи Рамазон аст. Масоили динии мардуми Уйғур бо маҳдудиятҳои зиёде мувоҷҷеҳ шуда ва афзоиши контролҳо мумкин аст мунҷар ба
муқовимати шадид шавад. Хабар медиҳад, “Аларабия”.

Рогзет дасттури
мақомоти чинӣ мабнӣ бар мамнуияти рӯзадории кормандони давлатиро “Талош барои
контроли дини Ислом” хонд.

Ба навиштаи
пойгоҳи иттилоърасонии давлати Чин, ресторанҳои пешниҳодкунандаи ғизои ҳалол
низ ташвиқ шудаанд то дар тули моҳи Рамазон боз бошанд. Ба чунин ресторанҳо ваъда додашуда, ки дар
оянда камтар мавриди бозрасӣ қарор хоҳанд гирифт, меафзояд, “Аларабия” .

Давлати Чин
муддаист, ки чунин тасмимотеро дар ростои маърака барои муқобила бо “ифротгароии
динӣ” иҷро мекунад.

Гуруҳҳои мудофеъи ҳуқуқи башар моқомоти Чинро ба хотири саркӯбии динии мусалмонони Уйғур ба баҳонаи “муқобила
бо терроризм” борҳо мавриди интиқод қарор додааст.

Уйғурҳо мусалмонони туркзабоне ҳастанд, ки ҳудуди бист миллион нафар
ҷамъият доранд ва сокинони аслии вилояти Синкиёнг ё Туркистони шарқӣ ба шумор
мераванд. Ин вилоят тақрибан як шашуми хоки Чинро ташкил мекунад.