Муовини фармондеҳи нерӯҳои марзбонии Чин дар садри ҳайате ба Тоҷикистон ташриф оварда, бо мақомоти марзбонии тоҷик мулоқот ва гуфтугӯ намуд.
Бино ба гузориши бахши форсии радиои Садои Хуросон, сухангӯи хадамоти марзбонии Тоҷикистон Хушнуд Раҳматуллоев дар ин бора чунин гуфтааст: “Муовини фармондеҳи нерӯҳои марзбонии Чин Джиу-Шу Кюи имрӯз бо Шералӣ Мирзоев, фармондеҳи марзбонии Тоҷикистон мулоқот намуда, роҳҳои назорати манотиқи марзии ду кишварро, ки беш аз 500 километр дарозӣ дорад, баррасӣ намуданд”.
Бино ба гуфтаи оқои Раҳматуллоев музокироти ҳайатҳои ду кишвар дар масоили марзии Чин ва Тоҷикистон фардо низ идома хоҳад кард.
Маврид ба зикр аст, ки музокироти Пекин ва Душанбе дар бораи ихтилофоти марзӣ тӯли чанд сол мебошад, ки идома дорад. Соли гузашта ҷониби Тоҷикистон 1000 метри мураббаи хоки худро ба Чин вогузор намуд.
