Миёни Тоҷикистону Беларус 10 санади нави ҳамкорӣ ба имзо расид

Пас аз анҷоми мулоқоту музокироти расмии Эмомалӣ Раҳмон бо мақомоти баландпояи Ҷумҳурии Беларус 10 санади нави ҳамкорӣ ба имзо расид:
Аҳднома оид ба ҳамкорӣ миёни Донишгоҳи аграрии Тоҷикистон ба номи Шириншо Шотемур ва Донишгоҳи аграрии Гродно; Аҳднома оид ба ҳамкорӣ миёни Кумитаи олимпии ҶТ ва Кумитаи олимпии Ҷумҳурии Беларус;
Ёддошти тафоҳум дар бораи ҳамкорӣ миёни Вазорати саноат ва технологияи нави Ҷумҳурии Тоҷикистон ва Ширкати давлатии Беларус оид ба истеҳсол ва фурӯши маҳсулоти саноати сабук «Беллегпром»;
Созишнома оид ба ҳамкорӣ миёни Кумитаи телевизион ва радиои назди Ҳукумат ҶТ ва Ширкати давлатии миллии телевизион ва радиои ҶБ;
Созишнома миёни мақомоти иҷроияи ҳокимияти давлатии ноҳияи Ёвони вилояти Хатлон ва ноҳияи Уздаи вилояти Мински ҶБ;
Созишнома оид ба ҳамкории тиҷоратию иқтисодӣ, илмию техникӣ ва фарҳангӣ миёни Мақомоти иҷроияи ҳокимияти давлатии вилояти Суғди ҶТ ва Кумитаи иҷроияи вилояти Мински ҶБ;
Созишнома оид ба ҳамкорӣ миёни шаҳри Хуҷанд ва шаҳри Могилёви ҶБ;
Нақшаи ҳамкорӣ миёни Вазорати корҳои ҳориҷии ҶТ ва Вазорати корҳои ҳориҷии ҶБ барои солҳои 2014-2015;
Созишнома оид ба ҳамкорӣ миёни Кумитаи меъморӣ ва сохтмони назди Ҳукумати ҶТ ва Вазорати меъморӣ ва сохтмони ҶБ;
Дар охир Изҳороти муштараки президенти ҶТ ва президенти ҶБ аз ҷониби сарони ду давлат – Эмомалӣ Раҳмон ва Александр Лукашенко ба имзо расидааст.
Зимни изҳороти матбуотӣ роҳбарони ду давлат дурнамои густариши робитаҳоро басо умедворкунанда номидаанд.