Ба вазири корҳоидохилии ҶТ,генерал-лейтенанти милиса
РаҳимзодаРамазонҲамроҳ
Муҳтарам Рамазон Ҳамроҳ!
вазъият дар кишвар, махсусан баъд аз шиддат ёфтани фишорҳо, ки имрӯзҳо волоият ва эҳтироми қонунро умуман зери суол бурдааст, мафҳуми “милиса-ҳомии ман”-ро ба шаҳрвандон дигаргуна мебинем. Аз ин рў
ин ниҳоди ҳизби маро муваззаф сохт, то ба Шумо, ҳамчун роҳбари ин ниҳоди интизомӣ, ки вазифаи пешгирӣ аз ҷиноятҳо ва таъмини ҳамаҷонибаи суботу оромӣ дар ҷомеаро бар зимма дорад, муроҷиат намоям.
Ба касе пӯшида нест, ки фаъолияти ҲНИТ меъёри конститутсионӣ буда, дар натиҷаи тафоҳуми миллӣ ва сулҳу созиш ба
даст омадааст, гузашта аз ин, тазминкунандаи сулҳу ваҳдат дар кишвар мебошад. Касе, новобаста аз
мансубият ва масъулияти хеш ҳақ ва салоҳияти онро надорад, ки меъёрҳои конститутсиониро нодида бигирад. Ҷои тазаккур ҳам ҳаст, ки мавқеъгириҳои ҲНИТ дар ҳолатҳои ҳассос борҳо кишвар ва минтақаро аз хатарҳои гуногун ҳифз намуда, пойдории давлати миллӣ маҳз бо мавқеъгириҳои ватандӯстонаи роҳбарияти ҲНИТ ва боло гузоштани
манфиати Ватану миллат аз дигар манофеъ ба даст омадааст.
интихоботи парлумонӣ, ки талаботу меъёрҳои қонунгузорӣ зимни раванди он ошкоро аз тарафи
масъулин поймол гардиданд, умедвории мардумро ба ояндаи нек ва қонунмеҳварии ҷомеъа зери суол бурд. Дар
баробари ин, бояд ёдовар шуд, ки ҲНИТ дар тӯли солҳои сипаришуда дар асоси талаботи қонунгузорӣ ва барномаҳои ҳизбӣ шумораи аъзо ва ҷонибдорони худро дар
дохили кишвар ба маротиб афзоиш бахшида, муваффақияти чашмгир ва дастоварди хеле бузургро барои як кишвари дар ҳоли рушд ва ташаккули ҷомеаи шаҳрвандӣ, мисли Тоҷикистон, ба армуғон овард.
аз қонуншиканиҳои танҳо ду моҳи ахир, ки аз тарафи ниҳодҳои зертобеи ВКД сар
задааст, хоҳем овард ва умед аст, ки
ба онҳо расидагии комил сурат
гирифта, кормандони ШКД аз иқдомҳои ғайриқонуние, ки ноумедии мардумро нисбати милиса бештар мекунанд, даст мекашанд:
– Монеагузорӣ дар роҳи сафари масъулини шуъба ва бахшҳои ҲНИТ барои ширкат дар ҷаласаи баъдазинтихоботии ҲНИТ, аз ҷумла раиси шуъбаи ҲНИТ дар вилояти Суғд Муллоаббос Раҷабзода, раиси бахши ҲНИТ дар шаҳри Сарбанд Анвар Қурбонов, раиси бахши ҲНИТ дар ноҳияи Қумсангир, Муҳаммаднабӣ Саидбурҳонов (Сомонаи www.ozodi.tj аз 02.03.5, сомонаи www.nahzat.tj ,аз 02.03.15 );
медонем.(Сомонаҳои www.ozodi.tj аз 02.04.15 www.ozodagon.tj );
– Фишор ба афроди ғайриҳизбӣ бо ҳадафҳои муайян, ки гӯё онҳо аъзои ҲНИТ ҳастанд. Аз ҷумла Наҷмиддинов Шамсиддин ва Бекназар Каримов, сокинони ноҳияи Фархор ба назди раиси бахши ноҳиявииҲНИТ омада, аз ӯ хоҳиш кардаанд, ки ба онҳо маълумотнома дар бораи аъзои ҳизб
набудан диҳад, зеро таҳти фишор қарор доранду гӯё аъзои ҲНИТ мебошанд. (Сомонаи www.nahzat.tj аз 20.04.15);
– Фишор ба раиси бахши ҲНИТ дар ноҳияи А.Ҷомӣ, Рустамов Талбакшоҳ аз ҷониби мақомоти ШКД-и ноҳияи мазкур барои тарки масъулият дар ҲНИТ, (www.nahzat.tj аз 18.04.15);
ро таблиғ мекардааст. Дар ҳоле ки ӯ омӯзгори фанни таърих ва ҳуқуқ буда, аъзои ҲНИТ ҳам
нест.
– Фишор ба аъзои ҲНИТ дар деҳаҳои “Роҳи Ленин” ва “Холмуродтеппа”-и ноҳияи А.Ҷомӣ барои хориљ шудан аз щизб ва дар рў ба рӯи камера нисбати он суханони носазо гуфтан. (www.nahzat.tj, аз 09.04.15);
– Дар шаҳри Сарбанд касонеро, ки ҳатто аъзои ҲНИТ нестанд, ба ШКД даъват карда, мавриди фишор қарор додаанд, ки аъзои ҲНИТ-анд ва бояд аз ҳизб хориҷ шаванд. Инчунин дар таърихи 23-юми апрел масъули тафтишотии бахши ҲНИТ –ро
дар шаҳри Сарбанд ба ШКД даъват кардаанд;
– Дар таърихи 22.04.15 раиси бахши ҲНИТ дар Кӯҳистони Мастчоҳ, Мирзоолим Холов, ба назди раиси ноҳия даъват шуда, ки дар он ҷо сардори ШКД, сардори шуъбаи ноҳиявии КДАМ ва прокурори ноҳия низ ҳузур доштаанд. Мақомот бо фишор аз 200 нафар узви ҲНИТ аризаи хориҷ шудан аз ҳизбро гирифта, аз раиси бахши ҳизб талаб кардаанд, ки онҳоро аз ҳизб хориҷ намуда, худаш низ аз масъулият канор биравад;
маҳаллаҳо ва сардори ШКД-и
нощия сурат гирифтааст. Аз ҷумла дар ҷамоати “Чоргул” аъзои ҳизбро ба идораи ҷамоат даъват карда, намояндагони ШКД ба онҳо гуфтаанд: шумо бояд аз аъзогии ҲНИТ даст кашед.
– Бинобар гузоришҳои расида аз вилояти Суғд фишорҳои мақомот болои аъзои ҲНИТ дар ноҳияҳои Айнӣ, Мастчоҳ, Кӯҳистони Мастчоҳ, Истаравшан, Панҷакент, Исфара, Ашт ва Б. Ғафуров идома доранд.
– 26.04.15 кормандони ШКД-и ноҳияи Ашт аъзои ҲНИТ, Хайруллоев Алишер, Иброҳимов Нозим, Масаидов Пайрав, Абдуғаниев Фаррух ва Масолиев Абдураҳмонро шомҳангом дар маркази ноҳия боздошт намуда, ба ШКД бурданд барои риши онҳоро тарошидан. Кормандони ШКД, Ҷалилов ва Қучқоров,
нисбати боздоштшудагон таҳқиру дашномҳои қабеҳро раво дидаанд, Масаидов Пайрав, Иброҳимов Нозим ва Хайруллоев Алишер, ҳатто мавриди латукӯб қарор гирифтаанд.
Ин аст намунае аз шумори зиёди қонуншиканиҳо, ки масъулини маҳаллии ВКД бо суистифода аз мансаб ва берун рафтан аз
салоҳиятҳои хидматӣ ба фаъолияти ҳизби сиёсии расмӣ ва аъзову ниҳодҳои он дар саросари кишвар монеъа эҷод ва ҳуқуқу озодиҳои шаҳрвандонро поймол месозанд.
Бо дарназардошти далелҳои овардашуда роҳбарияти ҲНИТ аз Шумо эҳтиромона дархост менамояд, ки барои ҷилавгирӣ аз қонуншиканиҳо ҷиҳати таъмини волоият ва эҳтироми қонун иқдом намуда, барои хотима бахшидан
ба ин гуна амалҳо чораандешӣ менамоед.
Ҳамзамон аз Шумо хоҳиш менамоем, то дар фурсати муносиб ҳайати ҳизбиро ба ҳузур бипазиред.
Бо эҳтиром,
Муовини аввали
раиси ҲНИТ, ҲисайновУ. Ф.
