Рӯзи 25 – ноябри соли равон шахси номаълум бо мақсади роҳзанӣ ба хонаи як сокини шаҳри Хуҷанд бо табар ва корди хоҷагӣ ворид гардида, соҳибзани ин хонаро бо табар ба сараш зада, аз ҷои ҳодиса ғайб задааст.
Дар натиҷа, он зан – Улмасова Саодат ҷароҳати ҷисмонӣ гирифтааст.
Вазорати умури дохила мегӯяд, зимни гузаронидани чорабиниҳои фаврӣ – ҷустуҷӯӣ аз ҷониби кормандони РВКД дар вилояти Суғд, шаҳрванд Абдуллоев Ҷаҳонгир Аскарович, 19 – сола, сокини шаҳри Хуҷанд ҳамчун гумонбар дар роҳзанӣ дастгир карда шуд.
“Далели шайъӣ гирифта шуда, нисбати ҳодисаи мазкур парвандаи ҷиноӣ мутобиқи моддаи 249 Кодекси ҷиноятии Ҷумҳурии Тоҷикистон оғоз гардида, тафтишот идома дорад.” – мегӯяд манбаъ.
