Субҳи имрӯз Сайдалӣ
Тағоев, котиби бахши ҲНИТ дар ноҳияи Данғара дар сӯҳбат бо “Наҳзат” иттилоъ дод,
ки Давлат Мусоев, ки масъулияти раиси
ташкилоти ибтидоии ҲНИТ дар минтақаи Себистонро ба зимма дорад, имрӯз аз тарафи КДАМ-и ноҳияи
Данғара ба ин ниҳод даъват шудааст.
Сайдалӣ Тағоев,
дар идомаи сӯҳбаташ афзуд, таври маълум ҳадаф аз чунин даъват, навиштани ариза
ва хориҷ шудан аз сафи ҳизб мебошад.
Тавре маълум
гашт, Давлат Мусоев дар воқеъ барои даст кашидан аз узвият ва фаъолиятҳои ҳизбӣ
даъват шудааст, вале Давлат Мусоев, дар асоси қонунҳои ҷории кишвар фаъолияти
худро расман дониста иброз намудааст, ки фаъолияти хешро идома хоҳад дод. Инчунин
илова намудааст, ки узвиятам дар ҳизб агар боиси монеъаи фаъолияти кориам дар
НБО-и “Роғун” бошад, аз фаъолияти кориам даст мекашам.
Лозим ба ёдоварист,
ки 21 май низ чаҳор нафар аъзои ҲНИТ-ро дар ноҳияи номбурда ба шуъбаи кумитаи
мазкур даъват намуда буданд.
