Бино ба иттиллои хадамоти матбуоти шахрдори бо мақсади бунёди тарҳи Рамзи «Душанбе –шаҳри сулҳ » озмун эълон карда шудааст. Бо ибтикори Раёсати ҷавонон, варзиш ва сайёҳии шаҳри Душанбе озмуни бехтарин идеяи муаррифкунандаи Рамзи «Душанбе-хамчун шаҳри сулх»-ро дар асоси банди 13-и Карори раиси шаҳри Душанбе №392 аз 23 июли соли 2009 «Дар бораи тасдики накшаи чорабинихои Мақомоти иҷроияи маҳалли хокимияти давлати дар шахри Душанбе оид ба рушди туризм дар пойтахт барои солхои 2010-2014» то 24 декабри соли 2010 эълон мекунад. Мавзӯи аслии озмун дарёфти бехтарин пешниход, ғояхои эҷодкорону меъморон ва зиёиён барои Рамзи Душанбе – ҳамчун шаҳри сулҳ маънидод карда мешавад. Масъулин гуфтаанд, ки Лоихаи ангории рамз бояд хусусиятхои таъмини ризояти миллӣ, ҳамзистии иҷтимоии осоиштаи тамоми қишрхои ҷомеа ва гуногунрангии фарҳангии онро аз нигоҳи эҷоди таҷассум намояд. Маҳсули тафаккури эҷодии довталабон дар шакли ангории компютери ё тариқи мусаввараи рангаи дастӣ ва ё дар шакли шархи муфассали гояви бо нишондоди мӯҳтавои рамзҳои истифодашуда унвонии комиссияи озмун пешниход мегарданд. Иштирокчиёни тарҳи озмун метавонанд маводи худро то 24 ноябр Раёсати ҷавонон, варзиш ва саёҳии шаҳри Душанбе пешниҳод кунанд. Ёдовар бояд шуд, ки ғолиби ин озмунро 10000 (даҳ ҳазор сомонӣ ) мукофотпулӣ интизор аст.
Categories
Ахбори рӯз
