Сардори тозатаъиншудаи ИМИ Ҷон Бреннан аз наздиктарин ҳамкорони Президент Барак Ҳусейн Обама мебошад. Ширкати телевизионии “Аль-Арабия” хабар медиҳад, ки Ҷон Бреннан тахмин меравад, дини Исломро пазируфтааст. Ин хабар дар асоси эътирофи собиқ корманди Бюрои федералии тафтишот (БФТ) ва исломшинос Ҷон Куадоло пахш шуд. Ин корманд тариқи радиои амрикоӣ чунин назарро гуфтааст.
Бреннан 57 сол дорад, аслан аз мардуми ирландӣ буда, ҳамкори наздики Барак Ҳусейн Обама мебошад. кайҳост, ки тахмин мезананд, ҳатто худи Обама ба Ислом таваҷҷуҳ дорад. Чанд сол пештар бибии Обама ба ҳаҷ рафта буд, ки ин боиси гуфту гузорҳо гардид.
Ҷон Куадало дар як барномаи хеле маъруфи радиоии Том Трендо иқрор кардааст, сардори ҳозираи ИМИ солҳои 1996 то 1999 сардори бахши ИДИ дар Эр-риёз, пойтахти Арабистони Саъудӣ фаъолият доштааст ва дар он солҳо ба Ислом гаравида будааст. Пас аз мусалмон шудан ҷаноби Бреннан аз шаҳрҳои муқаддаси Макка ва Мадина дидан кардааст. Ҳангоми сафар якчанд мансабдорони ҳукумати Арабистони Саъудӣ ҳамроҳаш буданд. Ҳангоми мусоҳиба Куадало сухани худи ҷаноби Бреннанро овардааст, ки дар он ӯ эътироф дорад, ки ба Маккаву Мадина сафар доштааст. Ҳамчунин Куадало таъкид намуд, ки шаҳрҳои Макка ва Мадинаи муқаддас барои ба онҳо ворид шудани ғайримусалмон мамнуъ мебошад. Ин корманди собиқ БФТ ва исломшинос бовар дорад, ҷаноби Бреннан ба Ислом гаравидани худро пинҳон доштааст.
Воқеан ҳам дар Амрико ва дигар кишварҳои Ғарб одатан мардум аз диндории худ ба ҷомеа ҳарф намезананд ва инро кори сирф шахсии худ меҳисобанд ва пурсидани дини нафаре дар он мамолик аз дағалтарин суолҳост, бинобарин ҳеч нафаре ҳақ надорад аз ҷаноби Ҷон Бреннан бипурсад, ки эшон мусалмон аст ё масеҳӣ.
Чизи дигар ҳам собит аст, ки дар Амрико тӯҳмат яке аз ҷурмҳои гарон ба ҳисоб меравад ва ҷаноби Ҷон Куадало ҳам беҳуда ҳарф намезанад, зеро медонад, ки дар сурати ҳарфи хато зоҳир кардан назди қонун посух медиҳад.
