Мишъал, раиси дафтари сиёсии ҷунбиши Ҳамос дар тамоси телефонӣ бо Муҳаммад Мурсӣ, номзади исломхоҳи Миср дар интихоботи раёсати ҷумҳурии ин кишвар пирӯзии вай дар ин интихоботро табрик гуфт.
Ба гузориши як пойгоҳи хабарӣ, ба нақл аз хабаргузориҳои мисрӣ ва фаластинӣ, Мишъал тайи тамоси телефонӣ бо Мурсӣ, раисҷумҳури мунтахаби миллати Миср, пирӯзии вай дар интихоботи эътимоди бузурги Миср ба вай ва ин ҷашни демократии бузургро табрик ва таҳният гуфт.
Мишъал ибрози умедворӣ кард, ки Мурсӣ битавонад амният ва осоишу пешрафт ва шукуфоиро барои миллати Миср ба армуғон биёварад ва битавонад хидматҳои арзандаеро ба миллати Миср ва уммати арабию исломӣ ироа диҳад.
Ба гузориши Маркази иттилоърасонии Фаластин, ҳамчунин Исмоил Ҳания, нахуствазири давлати мунтахаби Фаластин тайи тамоси телефонӣ интхоби Мурсӣ ба унвон расиҷумҳури нави Мисрро ба вай табрик гуфт.
Шомгоҳи дирӯз ҳазорон фаластинӣ ба манзури ибрози хушҳолӣ нисбат ба пирӯзии Мурсӣ дар интихоботи Миср дар муқобили манзили Ҳания адр урдугоҳи “Ашшотӣ” воқеъ дар ғарби шаҳри Ғазза гирди ҳам омаданд.
