Сафорати Тоҷикистон дар Русия эълон кардааст, ки ҷасади 5 шаҳрванди Тоҷикистон, ки дар сӯхтори бинои кӯҳнае дар Маскав ба ҳалокат расида буданд, ба Тоҷикистон фиристода шуданд. Гуфта мешавад, ки ҷасади Алихон Саиднаимов ва Наимшо Саиднаимов-сокинони ноҳияи Шуғнон ва ҷасади Исҳоқ Раҷабов ба Душанбе ва ҷасадҳои Қурбонбой Аҳмадов ва Қаҳрамон Мараҷабов ба Хуҷанд бавоситаи ҳавопаймо интиқол дода шуданд. Мавриди зикр аст, ки ҳамаи масрафоти қурбониёни оташсӯзии Маскавро сафорати Тоҷикистон дар Русия ба дӯш гирифтааст.