Вазирони хориҷаи Эрон ва Туркия эълом карданд, ки ду кишвар кӯшиш мекунанд қабл аз ташкили Конфронси Женево 2 дар Сурия оташбас барқарор шавад.
Муҳаммад Ҷавод Зариф таъкид кард, ки Эрон ҳамчунон аз муқовимат дар баробари режими Исроил пуштибонӣ мекунад.
Дар ҷараёни дидори Аҳмад Довуд Уғлу, вазири хориҷаи Туркия аз Теҳрон ӯ ва вазири хориҷаи Эрон Муҳаммад Ҷавод Зариф дар як конфронси матбуъотии муштарак ширкат карданд.
Дар ин конфронс вазирони хориҷаи ду кишвар, ки дар ду соли гузашта мавқеъҳои бо ҳам зид дар баробари буҳрони Сурия доштанд, эълом карданд, ки мекӯшанд, то пеш аз баргузории нишасти Женево 2 шароити оташбас дар Сурия эҷод шавад.
Вазири хориҷаи Эрон гуфта, ки дар музокироте, ки доштем Эрон ва Туркия бар сари буҳрони Сурия дар чандин маврид ба тавофуқи комил расиданд ва қарор шуд дар сафаре, ки ба Туркия дорам ин мавзуъро дунбол кунам.
Зариф афзуд, ки ду кишвар муътақиданд буҳрони Сурия роҳҳалли низомӣ надорад. Эрон ва Туркия қасд доранд ҳама гуна ҳамкориро барои ин амр анҷом диҳанд. Талоши мо бояд ба самти поён додан ба даргирӣ ва эҷоди отшабас, ҳатто дар сурати имкон қабл аз нишасти Женево 2 бошад.
