Бархе аз таъзиятномаҳое, ки донишҷӯёни тоҷик дар хориҷ ба раҳбари ҲНИТ, Муҳиддин Кабирӣ дар вафоти модараш ирсол карданд, пешкаши Шумо менамоем
****
Ба устод Муҳиддин Кабирӣ
Ба номи Худованди бахшанда ва меҳрубон
{إِنَّا لِلَّهِ وَإِنَّاإِلَيْهِ رَاجِعُونَ} البقرة 156
“Мо аз они Худо ҳастем ва ба назди Ӯ бозмегардем.” (Бақара, 156)
Асалому алайкум ва раҳматуллоҳи ва баракотуҳ
Аммо баъд, Устоди азиз! Шунидани вафоти модари Шумо моро бисёр ғамгин сохт ва бисёр таманно доштем ки дар атрофатон мебудем, то шуморо дилбардорӣ менамудему дар ҷонибатон меистодем, лекин чи кор кунем, ки дар тақдир ҳамин навишта будааст.
Аз Худованди азимушаън таманнои онро дорем, ки модари азизамонро мағфират намояду сокини фирдавси аъло гардонида, рузи қиёмат бо паёмбарон ва солиҳону шаҳидон ҳашрашон гардонад. Омин
Ногуфта намонад, ки роҳи марг роҳест, ки касе тавони сарпечии онро надорад, паёмбарон ки беҳтарин ва мукаррамтарини халқ буданд, маргро чашиданд, агар касе аз марг наҷот меёфт, пас авалин наҷотёфтагон онҳо мебуданд. Худованди бузург дар ин бора мефармояд:
{كُلُّ نَفْسٍذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِفَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَاالْحَيَاةُ الدُّنْيَا إِلا مَتَاعُ الْغُرُور}ِ ال عمران 185
“Ҳама кас маргро мечашад ва дар хақиқат дар рӯзи қиёмат музди аъмоли шуморо пурра хоҳанд дод. Ва ҳар касро аз оташ дур созанд ва ба биҳишт дароваранд, ба пирӯзӣ расидааст. Ва ин зиндагӣ дунё ҷуз матоъе фиребанда нест”. (Оли Имрон 185)
Устоди азиз! Мо медонем ки амсоли Шумо эҳтиёҷ ба васияту насиҳат надоранд, локин умедворем, ки дар ин мусибат бо сабру таҳаммул бошед. Зеро Худованд бандагони дустдоштаашро дучори чунин балоҳо мегардонад, то онҳоро ба пуррагӣ аз гуноҳҳо пок гардонад, чуноне ки дар шаъни собирон мефармояд:
{ إنما يوفى الصابرون أجرهم بغير حساب} الزمر 10
“Бе шубҳа музди сабркунандагон пурра ва беҳисоб адо мешавад!” (Зумар 10)
Пас собиру собитқадам бошед, умед дорем, ки Худованд музди Шуморо беҳисобу комил бидиҳад.
Худованд ҳарчиро, ки хоҳад мегирад ва ҳарчиро ки хоҳад медиҳад ва ҳарчи ки дар вуҷуд аст дар назди Худованд бо тақдири муайян аст.
Бо эҳтиром,
Донишҷуёни шаҳри Риёз
Арабистони Саудӣ
****
Аввал аз номи худам ва баъдан аз номи тамоми донишҷуёни Малайзия ба модари марҳум ҷаннати фирдавс ва ба аҳлу хонаводааш сабри ҷамилро хоҳонем.
Худованд мисли ин хел модароне, ки чунин фарзанд мисли Устод Муҳиддин ва бародаронаш тарбия мекунанд, биафзояд. Омин.
Аз тарафи донишҷуёни Малайзия
****
Инно лиллоҳи ва инно илайҳи роҷиъун
Ҳамдардии моро қабул фармоед.
Худованд устоди моро сабри ҷамил диҳад.
Аз номи донишҷуёни шаҳри Қазвин
****
Ассалому Алайкум ва раҳматуллоҳ
Ина лиллоҳи ва инно илайҳи роҷиъун
Сафари охирати модари олиқадрамонро барои устоди арҷманд М. Кабирӣ ва хешовандони азизашон тасаллият арз мекунем.
Устоди азиз, ҳамдардии амиқи мо, ҷавонони тоҷик дар Олмонро кабул намоед.
Худованд руҳашонро шод ва манзили охирати модари бузургворо нуронӣ гардонад.
Аз худованд барои Шумо, Устод ва ҳамаи хонаводаи шумо сабри ҷамил хоҳонем.
Ҷавонони мухлис аз Олмон
****
Инно лиллоҳ ва инно илайҳи роҷиъун
Худованд модари устодро раҳмату мағфират кунад, ҷояшро ҷаннати фирдавс кунад ва устодро сабри чамил ато фармояд. омин…
Иншоаллоҳ, бо чунин фарзанди муслиҳаш қабраш пурнур аст.
Донишҷӯи Азҳарӣ
