Раҷаб Тайиб Урдуғон, нахуствазири Туркия вазъи ҷорӣ дар Сурияро буҳрони иноснӣ ба тамоми маънӣ тавсиф намуда Башор Асадро таҳдиде барои тамоми минтақа донист.
Ба гузориши як пойгоҳи хабарӣ, ба нақл аз хабаргузориҳои туркӣ, нахуствазири Туркия бо ишора ба буҳрони инсонӣ дар Сурия ва қатли оми мардум дар ин кишвар гуфт, ки Башор Асад машруъияти худро дар байни миллати Сурия аз даст додааст ва дар ҳоли табдил шудан ба таҳдид ва хатаре возеҳу ҷиддӣ барои тамоми минтақа мебошад.
Урдуғон, ки дар ҷамъи сафирони Иттиҳодияи Аврупо сухан мегуфт, бар зарурати канорагирии Асад аз қудрат фароҳам намудани заминаи интиқоли қудрат дар Сурия таъкид кард.
Вай бо ишора ба ин ки беш аз 60 ҳазор нафар аз ибтидои шуруъи инқилоби Сурия то кунун ҷони худро аз даст дода ва беш аз 600 ҳазор нафар низ маҷбур ба тарки хонаҳои худ шудаанд ва наздик ба дуним миллион сурӣ низ дар ҳолати саргардонӣ дар ин кишвар зиндагиро сипарӣ мекунанд, вазъи инсонӣ дар ин кишварро буҳрони инсонӣ ба тамоми маъно тавсиф кард.
