Бо судури фармонҳое Э. Раҳмон руасои бархе шаҳру навоҳиро аз вазифа барканор ва бархе аз онҳоро ба вазифаҳои ҷадид таъийн намуд. Азизов Иброҳим бо сабаби ба кори дигар гузаштанаш аз вазифаи раиси ноҳияи Шўрободи вилояти Хатлон озод ва ба ҷойи ӯ Икромов А. иҷрокунандаи вазифаи раиси ноҳияи Шўрободи вилояти Хатлон таъин шуд. Каримов Қурбонбой Ҳакимбоевич бо сабаби ба кори дигар гузаштанаш аз вазифаи раиси ноҳияи Зафарободи вилояти Суғд озод гардида Боиров Ҳ. иҷрокунандаи вазифаи раиси ноҳияи Зафарободи вилояти Суғд таъин гардид. Ҳамчунин аз вазифаи раиси ноҳияи Фархори вилояти Хатлон
Ғафоров Ш. озод шуда, Каримов Қ.Ҳ. иҷрокунандаи вазифаи раиси ноҳияи Фархори вилояти Хатлон таъин гаридид. Аз ҷониби Президенти Ҷумҳурии Тоҷикистон Эмомалӣ Раҳмон ҳамчунин як қатор тағйироти дигари кадрӣ ба амал бароварда шуд. Бо қарорҳои Ҳукумати Ҷумҳурии Тоҷикистон Назар Одинаев Муовини аввали сардори Хадамоти зиддиинҳисории назди Ҳукумати Ҷумҳурии Тоҷикистон ва Абдусамад Саидмуродов Муовини сардори ҳамин хадамот таъин карда шуданд. Бо Амри Президенти Ҷумҳурии Тоҷикистон Одилҷон Ҷабборов аз вазифаи Мушовири Президенти Ҷумҳурии Тоҷикистон оид ба сиёсати иқтисодӣ озод карда шуда, Мудири шуъбаи молияи Дастгоҳи иҷроияи Президенти Ҷумҳурии Тоҷикистон таъин гардид.
Categories
Ахбори рӯз
