Як низомии фаронсавӣ ба иттиҳоми ҳамла ба масҷиде дар Лиюн, воқеъ дар ҷануби Фаронса дастгир шуд.
Ба гузориши “Ирна” ба нақл аз хабаргузории “Шенҳуво”, вазорати кишвари Фаронса дар баёнияе эълом кард, сарбози 23 сола, ки дар як пойгоҳи ҳавоии Лиюн дастгир шуда, ки ба масҷиде ҳамла кардааст.
Тибқи хабаргузориҳо ҳеҷ талафоте дар мавриди ин ҳамла гузориш нашудааст. Вазорати кишвари Фаронса дар идома афзуда, ки вазири кишвар тасмими худро барои мубориза алайҳи ишколи хушунат, ки аз ифротитарин идеологияҳо нишот гирифта ва бар арзишҳои ин ҷумҳурӣ таъсир мегузорад, бозгӯ мекунад.
Вазорати кишвари Фаронса бо судури баёнияе гуфтааст, ки муттаҳам бо гурӯҳҳои рости ифротӣ муртабит буд. Бинобар ин баёния дар он ҳамла хисороти ҷиддӣ ба масҷид ворид нашудааст.
Лозим ба ёдоварист, ки кишвари Фаронса миёни кишварҳои аврупоӣ бузургтарин ҷамъияти мусалмонро дорад. Вазорати кишвари Фаронса дар баёнияи рӯзи якшанбеи худ таъкид кард, ки бо фаъолиятҳои гурӯҳҳои ифротӣ мадоро нахоҳад кард.
Тибқи гузоришҳо, давлати Фаронса дар иқдоме барои саркӯби гурӯҳҳои тундгаро, ки мухолифи арзишҳои ин ҷумҳурӣ ҳастанд, моҳи гузаштаи мелодӣ панҷ гурӯҳи ростгарои ифротиро саркӯб кард.
