Нахуствазири Туркия тайи изҳороти сахти худ алайҳи Башор Асад, раисҷумҳури Сурия, муддаъӣ шуд, ки Асад дигар наметавонад дар Сурия бимонад.
Ба гузориши “Форс” дар Туркия, Раҷаб Тайиб Урдуғон, нахуствазири Туркия, ки аз ибтидои оғози нооромиҳо аз соли гузашта дар Сурия аҳамият дода ва тарафдорӣ аз мардуми ғайринизомӣ карда, бори дигар Башор Асадро ҳадафи изҳороти хасмонаи худ қарор дод.
Урдуғон бо ишора ба изҳороти ахири Бон Ки Мун, дабири кулли СММ дар мавриди таҳаввулоти Сурия ва тарҳи Куфӣ Аннон муддаъӣ шуд, ки суханони дабири кулли СММ нишонгар ба бунбаст расидани тарҳи Куфӣ Аннон дар мавриди Сурия аст.
Урдуғон нисбат ба амалӣ гардидани ҳадафҳои Башор дар ин кишвар ва бештар ба қатл расидани ғайринизомиён сахт нигаронӣ карда, сиёсати пешгирифтаи Асадро ғайри қобили қабул хонд.
Ҳамзамон ӯ баён доштааст, ки ӯ ва кишвараш ҳамеша омодааст, ки барои мардум ва миллати Сурия ҳар коре, ки лозим бошад анҷом диҳад. Лозим ба ёдоварист, ки кушторҳои ахир дар Сурия аз тарафи нерӯҳои давлатӣ, аксар кишварҳоро нигарон сохтааст. Хусусан, қатли ом дар минтақаи Ҳула ва дар баробари ин рӯзона ба қатл расидани ғайринизомиён дар ин кишвар аз тарафи нерӯҳои амниятӣ коршиносону сиёсатмадорони кишварҳоро хавотир кардааст.
