Мусулмонон хурокеро, ки ғайримусулмон омода намудааст, метавонанд истеъмол бикунанд.
Ин нуктаҳоро Муҳаммад Ҷазлон, собиқ қозии Арабистони Саудӣ зимни гуфтугӯи телевизионии хуб бо “ал-Арабия” иброз намуда, афзудааст: “Аммо аз ин миён гуште, ки тибқи фармудаи шариати исломӣ забҳ нагардидааст, истисно мебошад”.
Шайх Ҷазлон мегӯяд, уламои мусулмон хурдани хурокеро, ки ғайримусулмон омода намудааст, иҷозат додаанд. Аммо ба гуфтаи мавсуф мусулмонон бояд дар зарфе, ки дар он нушокиҳои спиртӣ ё гушти боре истифода шудааст, ғизо нахуранд.
Ин дар ҳолест, ки чанде қабл шайх Абдуллоҳ Олмонӣ, узви Шӯрои уламои аршади Саудӣ бо судури ҳукми фақеҳонаи худ ғизоеро, ки аз тарафи хидматкорони ғайримусулмон омода гардидааст, ҳаром эълон намуда буд.
Шайх Абдуллоҳ бо ин фатвои худ аз муассиса ва ожонсҳои корёбӣ дархост намуда, ки талош кунанд, ғайримусулмононро танҳо барои умуре истихдом намоянд, ки иртиботе ба пухту пази таом надошта бошанд.
Вақте аз оқои Абдуллоҳ дар мавриди ғизои тарабхонаҳо суол карданд, мавсуф гуфтааст: “Чунин амр иҷозат аст ва инсон набояд дар ин бора шакке дошта бошад. Аммо дар сурате, ки медонад коргарони онҷо будоӣ ҳастанд, бояд аз харидани ғизоҳояш худдорӣ варзад. ”
